Breytingar og slit

Tilkynna skal breytingar á skráningarskyldum atriðum til fyrirtækjaskrár innan mánaðar frá því að breytingar eiga sér stað. Það þýðir að tilkynna þarf um breytingar á stjórn, framkvæmdastjóra, heimilisfangi og öðrum skráningarskyldum atriðum innan mánaðar frá því að hluthafafundur/stjórnarfundur tók umrædda ákvörðun.

Í einstaka tilvikum víkja lög frá þessari almennu reglu um að tilkynna skuli innan mánaðar, t.d. skal tilkynna hlutafjárhækkun innan árs frá því að ákvörðun um hækkun var samþykkt en tilkynna skal strax ákvörðun um lækkun hlutafjár sé lækkunin á grundvelli jöfnunar á tapi.

Afgreiðslutími tilkynninga er almennt um tíu til tólf virkir dagar frá því að gögn eru lögð inn til fyrirtækjaskrár séu þau fullnægjandi og greiðsla (eða greiðslukvittun) fylgir með gögnunum. Hægt er að senda skannað afrit af tilkynningum á netfangið fyrirtaekjaskra@skatturinn.is Ekki er nauðsynlegt að skila inn frumritum af gögnum.

Slit einkahlutafélags

Hægt er að slíta skuldlausu einkahlutafélagi á einfaldan hátt með því að tilkynna það til fyrirtækjaskrár með yfirlýsingu um að hluthafar taki á sig ábyrgð á þeim kröfum sem upp kunna að koma.

Lesa meira

Breyting á skráningu ehf./hf.

Flestar breytingar á skráningarskyldum atriðum skal tilkynna innan mánaðar. Hér má finna upplýsingar um hvaða atriði hafa þarf í huga þegar breytingar eru tilkynntar til fyrirtækjaskrár

Lesa meira
Þessi síða notar vefkökur. Lesa meira Loka kökum