Um skoðunarmenn félaga
Samkvæmt 2. mgr. 97. gr. skulu skoðunarmenn vera lögráða og fjár síns ráðandi. Eðli máls samkvæmt getur sú skilgreining eingöngu átt við um einstaklinga.
Algengt er að tilkynnt sé um bókhaldsfyrirtæki sem skoðunarmenn, en samkvæmt framangreindum lagaákvæðum er það ekki heimilt. Skoðunarmenn geta eingöngu verið einstaklingar. Ef félög vilja tilkynna um lögaðila sem skoðunarmenn, þarf að tilkynna endurskoðunarfyrirtæki. Atvinnuvega- og nýsköpunarráðuneytið heldur skrá yfir endurskoðunarfyrirtæki og einungis er hægt að skrá félög af þeim lista sem endurskoðendur/skoðunarmenn í fyrirtækjaskrá.
Fyrirtækjaskrá hefur ákveðið að frá 1. júní 2019 verða eingöngu skráðir endurskoðendur, endurskoðunarfyrirtæki og skoðunarmenn, en ekki lögaðilar s.s. bókhaldsstofur, sem endurskoðendur/skoðunarmenn. Jafnframt beinir fyrirtækjaskrá því til félaga að þau lagfæri skráningar þar sem þess er þörf.
Listi Menningar- og viðskiptaráðuneytisins yfir endurskoðunarfyrirtæki
